„Резервен живот“ на Димковска во изборот 15 фантастични книги од Југоисточна Европа достапни на англиски

Александра Спасеска
/ 09.02.2022 / 13:39

Леа Рејчел фон Есен, автор на книжевната веб-страница Book Riot ја вброи книгата „Резервен живот“ на македонската писателка Лидија Димковска меѓу 15-те фантастични книги од Југоистоична Европа кои се достапни на англиски јазик.

Фон Есен вели дека ја користела дефиницијата за Југоисточна Европа како: Албанија, Босна и Херцеговина, Бугарија, Хрватска, Косово, Црна Гора, Северна Македонија, Романија, Србија, Молдавија и Словенија, обидувајќи се да вметне во изборот по барем еден автор од секоја од земјите.

„Многу од овие земји беа низ превирања во изминатиот век. По распадот на Југославија во 1991 година, беа исцртани нови граници и отцепувања, насилство и нови политички режими го преминаа регионот. Преминот во градење нација, во прашањата за јазикот и меморијата, во обидот да се најде смисла за насилството и политиката, предизвика нов притисок во националната литература, оживување што доведе до нови романи на хрватски, српски, романски, бугарски и многу други јазици“, пишува таа.

„Овие земји (од околу 12,5 милиони луѓе) се поврзани по регион, но тие се составени од огромен мозаик на култури, етникуми, јазици и, се разбира, литература. Сепак, многу од современите автори од овие земји остануваат релативно непознати, а премалку книги од регионот стигнаа до нас во превод на англиски јазик“, продолжува авторката на изборот.

Романот „Резервен живот“ е издаден од издавачката куќа „Или-или“ во 2012 година. Според тематиката, романот спаѓа во групата романи-хроники во кои се прикажува нечија животна биографија. За овој роман, Димковска ја доби наградата на Друштвото на писателите на Македонија „Стале Попов“ за најдобар роман, како и наградата на Европската унија за 2013 година. Романот е преведен уште и на словенечки, унгарски и бугарски јазик.

Во описот на романот преведен од Кристин Е. Крејмер, Фон Есен вели: „Злата и Сребра се сијамски близначки, поврзани кај главите. Нивниот живот во Скопје е често тежок - тие се третирани лошо, изолирани, а нивното семејство нема многу. Двете девојки имаат многу различни надежи за иднината, и двете често сонуваат за денот кога некако ќе ги најдат парите што би можеле да им овозможат операција за разделување. Колку повеќе растат, толку повеќе очајуваат од можноста - и кога Сребра ќе одлучи дека сака да се омажи, тоа ја загрозува нивната и онака кревка стабилност. Во оваа метафора за трансформацијата на Македонија, Димковска пишува долга, цврсто исткаена приказна за идентитетот и што значи да се има независност“.

Целосниот избор можете да го погледнете ТУКА.

реклама

Цените на нафтата паднаа на најниско ниво од февруари

Read more

Короната има нов симптом - заразените не се ни свесни дека е од вирусот

Read more

Што ќе се вози во Русија: Москва како Хавана?

Read more

Поранешен бунтовник стана претседател на Колумбија, најави преговори со нарко-бандите

Read more

Книги

Снежана Стојчевска: Поезијата е огледало и на крајот секој ќе си се види себе во неа

Read more

15-те најимпресивни библиотеки во светот

Read more

Кое е најдоброто време за читање?

Read more

Годинашниот саем на книги во Скопје без ковид мерки, присутни над 60 издавачки куќи

Read more
 

Магазин

Како се менува мажот кога ќе стане татко?

Читај повеќе
  • play_arrow

Ослободете се од подбрадокот со неколку лесни вежби

Читај повеќе

Како да го средите домот за 30 минути?

Читај повеќе

Гинеколог ги советува паровите кои се мачат со неплодност

Читај повеќе

Кое е најдоброто време да им ставите вода на растенијата во лето?

Читај повеќе

Астро анализа: Дали нè очекува црн финансиски август?

Читај повеќе

Зошто лицето ви е отечено наутро?

Читај повеќе

Предупредувачки знаци дека сте во врска со партнер кој може да стане насилен

Читај повеќе

Што открива за вас датумот на кој сте родени?

Читај повеќе