Наредната сезона најдобрата машка ракометна лига ќе брои 16 екипи, дури четири повеќе од прекинатава сезона.
Ракометната федерација на Македонија на утринскиот состанок донесе конечна одлука. Актуелната сезона дефинитивно нема да заврши, од неа нема да испадне никој, а првипласираните три екипи од двете втори лиги ќе добијат шанса да играат суперлигашки ракомет.
Дури 6 екипи кои се натпреваруваа во прекинатата сезона во групите 1 и 2 од Првата лига ќе станат суперлигаши. Во групата 1 прв беше Астарион со 40 бодови пред Прилеп 2010 со 33 и Јуниор К.В. со 31, додека во групата 2 лидер беше Тиквеш со 39 пред КЛ7 со 33 и Младост со 27. Планот беше првите две да влезат во Суперлигата, но дополнително се одлучи да влезат и третопласираните откако стана јасно дека наредната сезона вторите екипи на Вардар и Металург (Вардар Јуниор и Металург 2) нема да учествуваат. Дури 7 од 16-те екипи се од главниот град.
Согласно рангирањето на РФМ, екипите ќе бидат поделени во две групи од по 7, додека учесниците во СЕХА лигата (Вардар и Пелистер) ќе бидат ослободени од настап во првиот дел.
Учесници за сезоната 2020/21:
Вардар (Скопје)
Еурофарм Пелистер (Битола)
Металург (Скопје)
Охрид
Пролет 62 (Скопје)
Бутел (Скопје)
Радовиш
Еурофарм Пелистер 2 (Битола)
Струга
Работнички (Скопје)
Астраион (Струмица)
Тиквеш (Кавадарци)
Прилеп 2010
КЛ 7 (Скопје)
Јуниор К.В. (Скопје)
Младост (Богданци)
