Милијардерот Ричард Бренсон го обвинува Доналд Трамп за катастрофално водење на земјата, пренесува Independent.
Тој смета дека Доналд Трамп е срам за целиот свет, дека првите два месеца од неговата работа како претседател се катастрофални и предвидува дека како лидер на САД ќе има максимум еден мандат.
„Срамота е светот да има поединец на чело на САД кој не ја кажува вистината цело време, кој се обидува наместо да ги отвори да ги затвори границите за мигранти, тој го направи влезот за луѓето потежок, листата е навистина долга“, изјави Бренсон за радио станицата NewsHub од Нов Зеланд, додека се наоѓаше во посета на земјата.
Тој смета дека Трамп не е вистинската личност за лидер на САД, според него постојат други бизнис лидери кои би можеле да ја водат земјата, како на пример Мајкл Блумберг.
