Фудбалерот на Реал Мадрид, Антонио Ридигер, ги започна подготовките во пресрет на настапот на Светското првенство во Катар, а во меѓувреме реши да направи уште еден хуманитарен чин.
Ридигер ги донирал парите што очекува да ги заработи преку бонуси за настапот на Мундијалот, а средствата ќе бидат наменети за операции на 11 деца. Во соработка со германската организација BigShoe, исто како и во јануари, брилијантниот дефанзивец финансираше серија исклучително сложени и скапи третмани кои ќе ги променат животите на децата во родната земја на мајка му.
Пациентите се деца од Луснар, градот во Сиера Леоне од каде што потекнува мајка му Лили, а најчесто страдаат од вродено криво стапало. Овие состојби имаат значително негативно влијание врз животот на децата, не само поради очигледните физички проблеми, туку и поради тоа што оваа попреченост е силно стигматизирана во Сиера Леоне. Пациентите мора да користат патерици за да се движат до крајот на својот живот, но тие исто така стануваат социјално изолирани, страдаат од злоупотреба на училиште и имаат мали шанси да најдат работа и да водат нормален живот.
„Боли кога ги гледам околностите во кои растат децата во Сиера Леоне. За време на операцијата се коригира неусогласеноста, а потоа пациентите конечно можат да одат и да учествуваат во општествениот живот по неколку месеци дополнително лекување. Во Германија ми беше дадена можност што им беше одбиена на многу луѓе во Сиера Леоне. Благодарен сум за тие можности и ја ценам привилегираната ситуација во која се наоѓам. Помагањето е прашање на чест за мене. Би сакал да реализирам повеќе проекти во Сиера Леоне со моето семејство во иднина“, изјави Ридигер.
Тој е познат по својата хуманитарна работа, учествувал во различни проекти во Германија, а редовно ги посетувал и детските болници во Лондон. Таму доби емотивно испраќање пред неговиот трансфер од Челси во Реал.
Покрај парите, Ридигер испрати и многу дресови во Сиера Леоне за да ги расположи децата по нивните често екстремно болни операции.
Следната година ќе ја почне Фондацијата Антонио Ридигер, преку која ќе биде уште поактивен во помагањето на родната земја на мајка си.
