Пилотот на Мекларен, Даниел Рикардо е победник на трката од Формула 1 шампионатот возена попладнево за Големата награда на Италија.
Втор заврши неговиот клупски партнер Ландо Норис, додека трет пилотот на Мерцедес, Валтери Ботас.
Бодови во Монца освоија и Шарл Леклер, Серхио Перес, Карлос Саинс, Ленс Строл, Фернандо Алонсо, Џорџ Расел и Естебан Окон (од 4. до 10. место редоследно).
Лидерите во шампионатот Макс Верстапен од Ред Бул и Луис Хамилтон од Мерцедес излетаа од патеката откако се судрија еден со друг и не беа во можност да ја завршат трката.
Несреќата се случи на вториот свиок. Верстапен и Хамилтон се бореа за подобра позиција. Според достапните информации, возачите не се повредени.
За Рикардо ова е прв триумф од 2018 година кога победи на трката за ГН на Монако.
