Популарниот порторикански пејач Рики Мартин потврди дека се венчал со неговиот партнер Иван Јосеф, со кого беше во врска од 2016 година. Двајцата заедно имаат синови-близнаци, Матео и Валентино.
Зборувајќи со EL News на премиерата на новата серија „The Assassination of Gianni Versace: American Crime Story“ во Лос Анџелес, познатиот пејач потврди дека е во брак.
„Стапивме во брак и сега сум сопруг. Разменивме завети, ги потпишавме документите кои требаше да ги потпишеме и сето тоа сега е готово. Во наредните неколку месеци ќе приредиме забава и сите ќе бидете известени“, изјави Рики Мартин.
Забавата по повод венчавката на Рики Мартин и Иван Јосеф е планирана како тридневен настан: проба, прослава и третиот ден ќе биде ден за закрепнување од прославата.
Парот е заедно од 2016 година, а во истата таа година тие ја најавија и нивната свршувачка на шоуто на Елен ДеЏенерис. Тие имаат и две посвоени деца, близнаците Матео и Валентино.
Рики Мартин и Иван Јосеф се запознаа преку Instagram, а првпат стапија во контакт на amFar Inspiration Gala во Сао Паоло, Бразил во 2016 година.