Популарните плажи во Рио де Жанеиро официјално ќе бидат отворени за пливачите дури кога ќе се најде вакцина против коронавирусот, изјави градоначалникот Марселу Кривела.
Во моментов, плажите во Рио се отворени за вежбање и спортови на вода, иако во последните неколку викенди правилата честопати беа прекршени.
Многумина не носат маски и ги кршат правилата за физичко растојание.
– Онаму каде што не се носат маски, намерата е да се вратиме кога ќе има вакцина или кога заразата ќе дојде на нула, рече Кривела.
Според него, маските не се носат на плажа и нивото на зараза се зголемува.
Бразил е втора најпогодена земја од пандемијата на коронавирусот по САД и има повеќе од 1,7 милиони заразени.