Пејачката Рита Ора тајно се омажи за својот партнер, режисерот Таика Ваитити.
Парот се венчал на интимна церемонија во Лондон, пишува The Sun.
„Тоа беше навистина интимна церемонија и посебно за сите што беа таму“, рекол неименуван извор. „Најблиските можеа да видат колку се лудо заљубени“.
Изворот продолжува да тврди дека пејачката - која воедно и го сменила своето презиме и сега е Ора Ваитити - сакала мала свадба за да ја „одржи нивната врска што е можно поприватна“.
„Планирана е и голема забава за прослава на венчавката, но не очекувајте таа да биде достапна за магазинот со најголема понуда“.
Ора навидум ја потврди веста со фотографија која ја објави на Instagram стори, а на кој носи прстен кој изгледа како бурма.
Пејачката и режисерот решија минатиот месец да направат скромна свадбена церемонија, по што кон крајот на летото ќе приредат раскошна забава.