Дваесет и седумгодишна жена од Вухан, заразена со корона вирус, денеска е породена со царски рез, а лекарите ја опишаа операцијата како ризична.
Докторот кој го изврши царскиот рез изјави дека здравствената состојба на мајката се влошила и дека бебето вршело преголем притисок на неа. Од друга страна, мајката поради бременост не била лечена адекватно од вирусот.
Операцијата била исклучително опасна бидејќи мајката имала температура и без престан кашлала, додека докторите биле изложени на ризик од зараза.
Доктор Зао Ѓин вели дека лекарите носеле заштитни одела, маски и очила во текот на операцијата.
„Едвај нешто гледав, бев облеан од пот“, призна докторот за државната телевизија.
Мајката била бремена во 37 недела кога се посомневала дека е заразена со вирусот. Бебето е машко, тежи 3,1 кг и веднаш е однесено дома, за да не се зарази.