Се вкрстија копјата на три популарни нискобуџетни теренци.
Иако не може да се каже дека се достапни за просечниот македонски купувач, Lada Niva, Suzuku Jimny и Dacia Duster секако се меѓу најевтините теренци на европскиот пазар.
Во ОК, земјата од која ни доаѓа овој компаративен тест, тие се сметаат за нискобуџетни теренци бидејќи чинат под 20.000 фунти.
Некои можеби го оспоруваат правото на Duster да биде вистински теренец, но овој 4x4 автомобил сигурно има што да покаже за off-road возење.
Од друга страна, романскиот теренец обезбедува поголема удобност од Lada и Suzuki.
Кога станува збор за моторизацијата, Lada Niva го има познатиот бензинец од 1,7 со 85 КС под хаубата, Suzuki Jimny има 1,5-литарски бензинец со 101 КС, додека Duster користи 1,5 дизел со 115 КС. Сите три автомобили имаат погон на сите тркала.
Кој ви е фаворит?