Шкотланѓанецот во редовите на актуелниот европски шампион е свесен дека по поразот во Мадрид чесно може да се случи Ливерпул вечерва да биде елиминиран.
Вечерва Ливерпул мора да ја надокнади предноста на Атлетико од 1:0 од првиот натпревар во Мадрид. за левиот бек Ендрју Робертсон ова натпревар „да се биде или не“.
„Денес е да се победи или да се умре. Мораме да се најдеме помеѓу најдобрите осум. Во Мадрид немавме ни шут на голот, ако го повториме тоа, нема да поминеме. Доминиравме, кога станува збор за поседот на топка, но клучното е што правиме со тој посед. Од друга страна, мораме да бидеме многу внимателни кога тие ќе напаѓаат бидејќи не смееме да примиме гол за да имаме шанса“, вели Шкотланѓанецот.
Диего Симеоне успешно ги затвори сите приоди кон голот на Атлетико на првиот натпревар во Мадрид каде ѕвездениот напад на Ливерпул беше номоќен. Вечерва не смеет да си дозџволат нова таква бламажа.
„Размислуваме на сите можни сценарија. Ова е нокаут фаза, ако токму тој ден не си во најдоброто светло, ќе леташ. Знаеме дека вечерва можно е да излеземе од Лигата на шампиони, но размислуваме позитивно. Ако играме на ливерпулшки начин, на начинот на кој ние знаеме и умееме, можеме да го победиме било кој тим. Мораме да бидеме во нашето најдобро издание за да го скршиме нивниот отпор“, рече Робертсон
