Роботичката индустрија значително напредува, а зголемената побарувачка за модерни машини во бројни индустрии ги наведе производителите да развијат најсовремени роботи кои можат да ја намалат зависноста од луѓето. Неодамна, кинеската компанија Guoxing Intelligent произведе линија роботи наменети за гаснење пожари.
Станува збор за роботи кои се користат во итни ситуации и се опремени со напредни системи за откривање. Имаат камери, детектори за чад и сензори за гас, кои им овозможуваат да детектираат присуство на пожар и опасни гасови и да помогнат во ефикасно гаснење.
Луѓето можат да управуваат со роботите од безбедно растојание, а користејќи робусни системи за навигација, вклучувајќи GPS, LiDAR и инерцијална навигација, овие роботи можат автономно да се движат во внатрешни и надворешни средини. Исто така, тие се способни да избегнат пречки и лесно да стигнат до локациите на пожар.
При гаснење пожари, роботите користат различни методи, вклучително и цистерни за вода, диспензери за пена и хемиски апарати. Методот е добро програмиран и ефикасно го гасне пожарот со минимална штета предизвикана од вода.
Можноста за далечинско управување им нуди на пожарникарите можност да ја проценат ситуацијата од безбедно растојание и соодветно да ги насочат активностите на роботот.
Роботите се опремени со комуникациски системи како што се Wi-Fi и радио примопредаватели, така што во реално време ги пренесуваат податоците на пожарникарите, за да можат да ја следат моменталната ситуација и да донесат правилни одлуки.
Отпорни се на високи температури, чад и вода, а имаат и системи кои им овозможуваат да се исправат во случај на пад. Исто така, можат да влезат на места зафатени со пожар и да го изгаснат пожарот со помош на противпожарна опрема. Ефикасни се и за спречување на ширење на пожарот и за поддршка на локации кои се недостапни или опасни за пожарникарите.
По избувнувањето на пожар, роботите може да се користат и за истражување на локацијата, собирање информации со помош на камери и сензори за да им помогнат на пожарникарите да ја проценат ситуацијата, да најдат патишта за евакуација и да спроведат стратегии.
Во средини со висока температура или отровни гасови, роботите за гасење пожари можат исто така да влезат во затворени простори, да вршат задачи за истражување на тој простор, да детектираат потенцијални пожари или опасни гасови и да помогнат во изборот на најдобриот пристап. Можат да бараат и да пронајдат заробени луѓе на местата на пожар, да овозможат видео и аудио комуникација во реално време, да го скратат времето за спасување и да ја подобрат ефикасноста на спасувачката мисија. Тие се ефикасни кога се контаминирани со опасни хемикалии, радиоактивна контаминација, но и во срушени згради.
Најновиот член на линијата е KT-500, машина дизајнирана брзо да се пробива низ густите грмушки и ниските дрвја. Пожарникарите можат брзо ја го испратат на терен за да постават противпожарни прегрдаи на пошумени и оддалечени локации.
Роботот се движи користејќи двојни траки и брзо создава зони за изолација од пожар.
