Во време на пандемија секоја земја различно се носи со мерките за спречување на ширење на вирусот. Така, кога станува збор за социјалната дистанца, едно кафуле во јужна Кореја „вработи“ роботи кои им прават пијалаци на гостите и ги служат.
Всушност, на шанкот има роботска рака која може да направи 60 различни пијалаци, а гостите потоа се послужени од роботи. Системот може да комуницира со други уреди и поседува автономна технологија за роботите да го пронајдат најдобриот пат меѓу луѓето и масите. Комуникацијата со гостите се остварува преку говорна контрола.
„На нашиот систем не му се потребни човечки инструкции за да биде доставен пијалакот, а масите се доволно разделени за да можат роботите да се движат без проблеми. Исто така, со ова се почитува и мерката за социјална дистанца“, вели Ли Донг Бае, директор за истражување во компанијата Vision Semicon.
