Дали некогаш сте се запрашале каде е родено најголемото бебе во светот?
Станува збор за Кевин Кларк, роден во 1983 година со 7,3 килограми. Тој е најтешкото бебе во светот кое веднаш по раѓање станало светска сензација.
Според американските медиуми, Кларк е најголемото бебе родено во Њу Џерси. Неговата мајка Патриција Кларк била многу изненадена, па малата бебешка облека за новороденче морала да ја замени со поголема.
„Моравме да одиме дома, да ги испразниме фиоките и да купиме поголема облека за него“, изјавила гордата мајка по породувањето.
Кевин секогаш бил над просекот додека растел. Неговите врсници биле пониски, додека тој на 12 години имал висина од 170 сантиметри. Неколку години подоцна бил висок 195 сантиметри.
Денес е оженет, има 39 години, висок е 205 сантиметри и има 136 килограми.
„Кога одам по улица, луѓето ме запираат и ме прашуваат колку сум висок“, вели Кевин.
Инаку, работи во војска и вели дека воопшто не е лесно да бидеш највисокиот во просторијата. Мора да се наведнува кога влегува низ врата, многу работи се прекратки за него, а не може ни да влезе во повеќето автомобили.
Сепак, смета дека најдобро е кога човек ќе се прифати себеси таков каков што е.