Македонскиот фудбалски клуб Престон Лајонс од Мелбурн доби нови химна и тоа препев на безвременската „Родила мајка“ од Гоце Николовски.
Престон Лајонс е најпознатиот македонски клуб во Австралија, иако во последните години беше паднат во пониските лиги. Изминатава сезона заврши втор во Викторијанската премиер лига, трета по ранг на ниво на Австралија, и се избори за пласман во Националната премиер лига на Викторија каде ќе се натпреварува заедно со уште еден македонски клуб - Алтона Меџик.
За препевот се погрижи пејачот Благојче Стојановски-Туше од Ресен, а на гајда свиреше Влатко Велјановски од Мелбурн.
