На форумот Mumsnet се појави интересна тема. Еден корисник ги прашал другите дали, кога би знаеле што ги чека, би одлучиле да станат родители.
„Ми се чини дека ова е табу тема. Сакам да ги слушнам вашите мислења", гласи описот на прашањето што разгоре дебата меѓу родителите.
Многумина велат дека зажалиле што имаат деца, а потоа ги објаснија причините што стојат зад таквата изјава.
„Не, не би. Дури кога станав мајка, сфатив каков посран живот живееме. Беше добро кога бебето беше мало, но сега тој е скоро полнолетен и воопшто не е убаво“, напиша една мајка.
„Ги обожавам моите деца. Неизмерно ги сакам, но кога би можела да се реинкарнирам, би избрала живот без деца. Луѓето кои немаат деца водат неверојатен живот и јас сум им страшно љубоморна. Би сакала да пробам да живеам и така“, се довери друга корисничка.
„Не, никогаш! Секако, за тоа би требало да го знам она што го знам сега, но да знаев како ќе се чувствувам како мајка, никогаш немаше да имам деца“, признава трета.
Има и такви кои тврдат дека се чувствуваат постари откако се родиле децата, но исто така и такви кои не би брзале со бременоста кога би можеле да го вратат времето.
„Одеднаш треба да станеш страшно одговорна личност, да ги ставиш своите потреби зад потребите на детето, да ги испланираш деновите околу децата и веќе не си свој. Навистина ми недостасува слободата и тој начин на живот кога не треба се грижиш за никого освен за себе“, коментира еден корисник.
Многумина коментираат дека би се одлучиле за само едно дете, а има и такви кои не би си го замениле сегашниот живот за ништо на светот.
„Искрено, ќерка ми ми донесе радост и среќа. Никогаш не би ја менувала за живот без деца“, „Да, апсолутно. Моето најстаро дете ме спаси и животот без деца ќе ми бил безначаен“, „Понекогаш жал ми е што немав повеќе деца“, велат оние кои не жалаат за својата одлука да станат родители.