Родителите на Онс Жабер нема да можат да присуствуваат на финалето на Вимблдон, каде нивната ќерка ќе игра со Елена Рибакина од Казахстан.
На таткото и мајката на тенисерката од Тунис не им беа одобрени визи за влез во Обединетото Кралство.
Според информациите од Лондон, ваквата одлука на властите не е поврзана со вакцинацијата против коронавирусот.
Да напоменеме дека претставничката на Тунис за прв пат ќе игра во финалето на Грен слем турнирот, што е и прва Африканка која дошла до вакво достигнување.
Женското финале на Грен слемот во Лондон ќе почне сега во 15 часот и 5 минути.
