Кога ќе станете родител, се случува одеднаш да бидете бомбардирани со совети за воспитување и одгледување деца. И тоа не е лошо, доколку сами барате совети. Но, најчесто добивате совети кои не сте ги побарале.
Дали имате едно или три деца, дали работите работа со полно или скратено работно време или се грижите дома за семејството, родителството е нешто што никој не треба да го смета за лесна работа.
Една од работите кои целата ситуација можат да ја комплицираат е потребата на другите луѓе да нудат несакани и често многу погрешни совети. BestLife одвои кои најчесто погрешни совети родителите ги добиваат.
Според Адина Махали, советник за ментално здравје и специјалист за семејна нега, подобро е да ги третирате децата како индивидуалци и да се грижите за нив тргнувајќи од тоа начело. Да, тоа може да значи дека ќе минувате повеќе време со едното дете, додека на другото му давате повеќе простор.
„Не се плашете да гледате посебно на секое дете и да му го давате тоа што навистина му треба“, вели Махали.
Ако му кажете на детето дека мора да изеде цел оброк за да добие десерт, со текот на времето тоа може да доведе до нездрави навики во исхраната. Иако работа на родителот е да одлучи што ќе јаде детето, сепак самото дете треба да одлучи дали ќе јаде и колку, советува Џен О Рурк, едукатор за родители и детска психотерапевтка.
„Десертот не треба да биде награда, туку повремен ден од вечерата“, смета таа.
Децата не се вешти во регулирање на нивните емоции, оттука и плачот, врискањето и останатите манифестации на испад на бес кои најчесто доаѓаат кога се уморни, гладни или вознемирени. Важно е да знаете дека не станува збор за намерна манипулација.
„Детето кое доживува тантрум страда и не ги контролира своите чувства и постапки“, вели О Рурк.
Таа советува родителите да не ги игнорираат децата кои се наоѓаат во процес на развој на логика и вештини на носење заклучоци.
Ако сакате да си го држите во раце, да го милувате вашето дете, правете го тоа. Тврдењето дека може да го разгалите е без основи, смета д-р Саманта Радфорд.
„Бебињата се биолошки дизајнирани за држење и носење во раце“, вели таа.