Денис Родман го поздрави грамадниот Андреа Петања кој по завршувањето на сезонава ќе го засили нападот на Наполи.
Петања на 30 јуни ќе полни 25 години, а уште во зимскиот преоден рок направи трансфер во Наполи кој за неговите услуги искешира 17 милиони евра. Сепак, голгетерот остана во СПАЛ како позајмен до крајот на сезонава која поради корона-кризата ќе заврши подоцна од планираното.
„Андреа, нели е неверојатно? Денис Родман ти се обраќа тебе. Андреа, 'Булдожерот', што значи тоа? Значи дека даваш многу голови“, почнува НБА легендата.
„Имам нешто за тебе сега, Андреа. Имам ќерка по име Тринити Родман, таа е број 1 фудбалерка во светот во моментов. Ајде човече, погледни ја! Еден ден ќе играш против неа и ќе ми пратиш порака велејќи: 'Денис, знаеш што? Во право беше, добра е, баш како мене. Таа е булдожер, но таа е Родман'.“, вели Родман во видеото.
Ќерката на Родман има 18 години и настапува за тимот на Вашингтон Кугарс. Таа е е репрезентативка на САД во младинските категории, а велат дека е навистина талентирана. Како Петања, и таа игра во нападот.
Петања во СПАЛ настапува веќе втора сезона, а дојде од редовите на Аталанта. Сезонава на 24 натпревари постигна 11 голови во Серија А, но на тимот му оди тешко и е претпоследен.