Родри ги налути Англичаните со провокации за Гибралтар, Мората го потсети каде игра

Луда ноќ е зад жителите на Мадрид и сите Шпанци, кои до раните часови ја славеа титулата европски првак, која фудбалската репрезентација им ја донесе од Европското првенство во Германија.

Десетици илјади навивачи се собраа на улиците во шпанската престолнина и славеа со играчите, а во центарот на вниманието беше најдобриот играч на првенството - Родриго Ернандес Касканте.

Родри реши да ја испровоцира Англија, која „Фуријата“ ја доби со 2:1 во големото финале, иако е свесен дека од таму е неговиот клуб Манчестер Сити.

„Шпански е! Гибралтар е шпански“, скандираше Родри и предизвика воодушевување кај навивачите, додека Алваро Мората се обидуваше да го смири.

Мората го потсети Родриго дека игра во Англија, во дресот на Сити, на што играчот од средниот ред на „Граѓаните“ изјави дека не му е грижа.

Во Англија, чиј Гибралтар е прекуморска територија, медиумите го осудија однесувањето на Родри и го означија како „невкусно“.

Потсетуваме дека Гибралтар има нешто повеќе од 30.000 жители, а Шпанија и Англија со децении се расправаат за овој полуостров. Гибралтар веќе со години има своја репрезентација и се натпреварува под УЕФА и ФИФА, но не може да игра против Шпанија, која го одбиваше неговиот прием во светското фудбалско семејство.

На Европското првенство кое заврши во неделата, Родри беше прогласен за најдобар играч на турнирот и со тоа се промовираше во еден од главните фаворити за освојување на Златната топка. Букмејкерите во моментов им даваат најголема шанса за најголемата награда на Виникус и на одличниот шпански играч за врска.

28-годишниот Родри од летото 2019 е во Мначестер Сити, а претходно играше една сезона за Атлетико, додека сениорската кариера ја почна во Виљареал. Родум е од Мадрид. За Шпанија игра од 2018 година од кога собра 56 настапи и 4 голови.