Најновиот дел од серијалот Star Wars - Rogue One: A Star Wars Story и овој викенд остана на првото место на американскиот бокс офис. Филмот во текот на празничниот викенд заработи 71,35 милиони долари, па својата вкупна заработувачка ја качи на 293 милиони долари.
Анимираната музичка комедија Sing со гласовите на Метју Меконахи и Ристи Витерспун го зазема второто место со 35 милиони долари.
Третото место му припадна на научно фантастичниот Passengers во кој главните улоги ги играат Џенифер Лоренс и Крис Прат. Тие се астронаути кои се будат од хибернација, а нивниот филм донесе 14,3 милиони долари заработка.
На четвртото место е Assassin's Creed со заработка од 10,3 милиони долари, а станува збор за екранизација на популарната видеоигра.
Во првите 5 е и дебитантот Why Him? кој заработи 9,8 милиони долари.