Фудбалерот на Борусија од Дортмунд, Марко Ројс, го одигра последниот натпревар на „Вестфален“, пред домашните навивачи.
Во последното коло од Бундеслигата неговиот тим вчера победи против Дармштад со 4:0, а меѓу стрелците се запиша и Ројс. Од слободен удар го постигна вториот гол на натпреварот.
Ројс ги почести сите 80.000 фанови со пиво и порака на прошталниот натпревар.
„Ви благодарам за сѐ! Последната тура пиво е од мене“.
Auf Marco! 🍺 pic.twitter.com/Hil9ikqBEC
— Borussia Dortmund (@BVB) May 18, 2024
Германецот по 12 години ја напушта Борусија, а колку се емотивни неговите соиграчи и навивачи покажува кореографијата што му ја подготвија.
Dortmund reverencia Marco Reus. Hoje a festa é sua, craque! 👏🟡⚫️#BundesligaNoSportv pic.twitter.com/DyEIvSxW0s
— sportv (@sportv) May 18, 2024
На Ројс му останува уште еден натпревар, а тоа е финалето од Лигата на шампионите на 1 јуни против Реал Мадрид на „Вембли“ во Лондон.
