По изјавата на претседателот на Тениската асоцијација на Франција дека Ролан Гарос можно е да биде одложен, министерката за спорт на Франција, Роксана Марасинеану, го потврди тоа.
Таа изјави дека спортот нема да биде приоритет во тамошното општество, поради борбата против пандемијата на коронавирус која не стивнува.
„Спортот нема да биде приоритет во нашето општество. Разговараме со Француската тениска федерација за да видиме дали е потребно да се промени датумот на Ролан Гарос. Иако спортот на високо ниво е зачуван во Франција засега, се обидуваме да го минимизираме ризиците од ширење на вирусот во професионалниот спорт, а ситуацијата во никој случај не е добра“, рече Марасинеану за државното радио.
Првично, Ролан Гарос требаше да се игра од 23 мај до 6 јуни.
Но, Франција вчера влезе во третиот национален локдаунза да се спречи ширењето на коронавирусот, иако професионалните спортови во голема мерка беа поштедени.