Најголемиот дел од отпуштањата ќе бидат во Обединетото Кралство, со цел производителот да ја преживее финансиската криза поради пандемијата.
Британскиот гигант во производството на мотори, Rolls-Royce, најави дека е принуден да отпушти најмалку 9 илјади вработени бидејќи се соочува со загуби поради кризата која ја направи коронавирусот во авиосекторот.
Rolls-Royce е главен снабдувач на мотори за големите комерцијални авиони како Boeing 787 и Airbus A350, но со оглед на големиот удар кој корона-кризата и натаму ќе ѝ го задава на авиоиндустријата, отпуштањата веројатно и ќе се зголемуваат.
Отпуштањето на најмалку 9 илјади работници е всушност 17 проценти од 52 илјади работни места во компанијата која се надева дека тоа ќе ѝ донесе заштеда од 1,3 билиони фунти, односно 1,59 билиони долари.
Авиокомпаниите ширум светот мораа да го приземјат поголемиот дел од своите флоти, а со оглед на траењето на кризата јасно е дека и по реактивирањето на летовите тие нема да бидат во истиот голем број како пред кризата.
