Пилешкото е секогаш вистински избор, бидејќи може да се подготви на милион начини. Денеска претставуваме одличен предлог за семеен ручек.
За вкусен ручек, можете да подготвите роловано пилешко со компири. Овие две намирници едноставно сите ги сакаат, а доброто е што можат да се комбинираат на различни начини. Денеска направете го така што белото месо ќе го премачкате со мајонез, па посипете со магдонос и кашкавал. Се пече во рерна помалку од еден час, а вака подготвеното јадење се служи со салата.
Потребни состојки:
- 3 пилешки стека
- 1 лажичка италијански зачин
- 1 лажичка блага пипер
- 200 мл масло
- 2 лажици оцет
- 4 јајца
- 1 лажица сенф
- 5 чешниња лук
- 1 китка магдонос
- 150 гр кашкавал
- 4 компири
Подготовка:
Месото исечете го тенки шницли, па покријте го со проѕирна фолија и добро излупајте го. Потоа во сад измешајте сол, бибер, италијански зачин и пипер. Промешајте и добро втријте ги зачините во месото. Во друг сад измешајте масло, оцет, јајца, сенф и толчен лук (3 чешниња). Зачинете со сол и бибер. Добро измешајте ги сите состојки. Преостанатите 2 чешниња ситно исечкајте ги, па измешајте со сечканиот магдонос. Додадете рендан кашкавал и добро измешајте.
Над секој стек намачкајте ја смесата со јајца и сенф, па посипете со магдонос и кашкавал. Ролајте. Исечете ги компирите на прстени, а потоа посолете, побиберете, посипете со италијански зачин и блага пипер. Ставете масло и се добро промешајте. Наредете ги компирите во огноотпорен сад подмачкан со масло, а одозгора ставете го ролованото месо. Премачкајте ги со смесата од јајца и сенф, па печете во рерна на 180°C околу 40 минути. Потоа посипете со рендан кашкавал и вратете во рерна за уште 5 минути.
