Рома сака летово да ја донесе новата голема надеж на италијанскиот фудбал Сандро Тонали кого го нарекуваат „новиот Андреа Пирло“.
Осумнаесетгодишниот Тонали моментално игра за Бреша, клубот во кој легендарниот италијански репрезентативец Пирло ја почна богатата кариера, а Рома е подготвена на второлигашот да му понуди 20 милиони евра, објави Tuttomercatoweb.
За Тонали, кој игра на позиција заден играч за врска, многу потсетува на Пирло, и по изглед и по стилот на играње. Тој одамна е на мета на Јуентус, Интер, Милан и на Напои, па затоа Рома брза да го донесе во своите редови.
Оваа сезона Тонали има постигнато три гола и запиша седум асистенции во дресот на лидерот во Серија Б.
Со добарата игра си заслужи и покана во италијанската репрезентација лани во ноември, но уште не дебитирал за „азурите“.