Рома ќе има нова 9-ка: Во Рим доаѓа најдобриот стрелец на Ла Лига

Се појавуваат повеќе детали за договорот што Рома го склучи со Жирона за напаѓачот Артем Олександрович Довбик, кој ќе чини најмногу 38,5 милиони евра, а се откри и бројот на неговиот дрес.

Последната средба се одржа синоќа на шпанско тло, само неколку часа откако Довбик го започна последниот натпревар во кариерата во Жирона, претсезонски пријателски натпревар.

Експертот за трансфери на Sky Sport Italia, Џанлука Ди Марцио, сега дава повеќе детали за тоа колку точно ќе платат „Џалоросите“ за централниот напаѓач.

Предвидено е трансферот да изнесува 30,5 милиони евра плус 5,5 милиони евра додатоци за вкупно 36 милиони евра.

Исто така, има Жирона ќе добие 10% од сумата од идниот трансфер, но има поставено ограничување над 30,5 милиони евра, така што максималната вкупна исплата не може да оди над 38,5 милиони евра.

Украинскиот репрезентативец се очекува попладнево да пристигне во Рим со спортскиот директор Флорент Гизолфи, за потоа да ги помине медицинските прегледи и да го потпише договорот.

Довбик беше најдобар стрелец во Ла Лига минатата сезона со 24 гола, а минатиот месец наполни 27 години.

Жирона направи огромен профит, откако го потпиша од Днипро-1 во август 2023 година за 7,75 милиони евра.

Неговиот агент Алекс Лиундовскиј, исто така, беше објавено дека објавил слика од дресот со број 9 на Рома со Артем на грбот, покажувајќи го на стори на Instagram.

Деветката во Рома моментално ја носи Теми Ејбрахам, па останува да видиме дали ќе му ја даде на Добвик или Укрианецот ќе мора да одбере друг број.