На рускиот милијардер Роман Абрамович му е забранет престој во Велика Британија, пишуваат британските таблоиди.
Сопственикот на Челси со месеци не бил виден во неговиот дом во Лондон, а британски извори тврдат дека никогаш нема да смее да се врати таму.
Наводно, службениците за имиграција добиле инструкции да му забранат на Абрамович да се врати во неговата вила во близина на палатата Кенсингтон, за која платил 125 милиони фунти.
Специјална имиграциска единица работи на неговиот случај.
Абрамович е еден од 35-те руски олигарси кои лидерот на Путиновата опозиција Алексеј Навални ги оцени како клучни поддржувачи на режимот на Путин во Русија.
И британската Влада иницираше санкции против Русија поради воена интервенција во Источна Украина. Први на удар беа руските олигарси.
Абрамович стана израелски државјанин во 2018 година, што му помогна да влезе во Британија на шест месеци, а со израелски пасош дошол на кратко патување во Лондон.
Богатството на Абрамовиќ се проценува на 8,4 милијарди фунти.
Неговиот имот вклучува недвижен имот, но и серија суперјахти, од кои само една, фантастичната Solaris, вреди 450 милиони евра и има систем за откривање проектили.
Абрамович никогаш немал британско државјанство.
Рускиот милијардер своето богатство го стекнал со продажба на недвижен имот и имот кои биле во сопственост на државата пред распадот на Советскиот Сојуз.
Челси го купи во 2003 година. Во тоа време клубот беше просечен англиски прволигаш, а Абрамович го направи еден од најуспешните фудбалски клубови во 21 век.
„Сините“ станаа првиот лондонски клупски шампион на Европа токму во ерата на Абрамович, а неодамна и светски првак.