Македонската ракометна репрезентација ја доби Романија за противник на стартот од квалификациите за пласман на Светското првенство во 2023 година, одлучи ЕХФ денеска со жрепка во Будимпешта.
Доколку избраниците на селекторот Кирил Лазаров бидат поуспешни во двомечот против Романија, противник во последната фаза за место на ракометниот Мундијал, што од 11 до 29 јануари идната година ќе се одржи во Полска и Шведска, ќе им биде репрезентацијата на Чешка.
Македонските ракометари ќе ги почнат мундијалските квалификации на домашен терен на 16 или 17 март, а реваншот е една недела подоцна во Романија.
Доколку „Црвено-жолтите“ ја минат првата пречка, воведниот натпревар против Чешка ќе го играат на гостински терен на 13 или 14 април, додека реваншот на домашен терен на 16 или 17 април.
Двојки за баражите:
1. коло
Украина – Финска
Италија – Словенија
Португалија – Швајцарија
Австрија – Естонија
Грција – Босна и Херцеговина
Македонија – Романија
Израел – Литванија
Словачка – Белгија
Фарски Острови – Белорусија
2. коло
Украина/Финска – Хрватска
Италија/Словенија – Србија
Португалија/Швајцарија – Холандија
Австрија/Естонија – Исланд
Грција/Босна и Херцеговина – Црна Гора
Чешка – Македонија/Романија
Израел/Литванија – Унгарија
Русија – Словачка/Белгија
Германија – Фарски Острови/Белорусија
Актуелниот светски шампион Данска заедно со кодомаќините Шведска и Полска од претходно имаат обезбедено место на Мундијалот, а ним неодамна им се придружија и Шпанија, Франција и Норвешка преку нивниот пласман на ЕУРО 2022.
