Netflix почна со емитување на новата романтична драма „Sweet Magnolias“.
Новата лесна романтична драма на Neflix за три најдобри пријателки кои живеат во Чарлстон, Северна Каролина и нивните испреплетени животни подеми и падови, е одличен избор на серија за опуштање.
Во „Sweet Magnolias“ трите пријателки балансираат меѓу работата и семејството, со фокус на моментот кога едната од нив ќе се разведе и трите решаваат да почнат заеднички бизнис.
Низ десетте епизоди од сезоната нема да најдете трагични несреќи или експлозивни љубовни триаголници, но она што го нуди „Sweet Magnolias“ се приказни со кои можеме да се поврземе и кои на моменти може да ни дадат утеха.
Американската ТВ-серија е базирана на истоимените книги на Шерил Вудс, а главните улоги ги играат Џоана Гарсија Свишер, Брук Елиот и Хедер Хедли.
