Легендарниот Роналдињо (42) отпатува за Индонезија каде треба да одигра три пријателски натпревари за клубот Ранс Нусантара.
Првиот веќе го одигра вчера, а сега следат уште два на турнирот „Запознај ја ѕвездата“ на кој учествуваат вкупно четири екипи од Индонезија.
Тренерите и играчите кои ќе играат со и против Роналдињо се одушевени од доаѓањето на фудбалската легенда и го истакнаа ова како уникатна можност.
Роналдињо, пак, истакна дека е „подготвен да игра и да ги забавува луѓето од Индонезија“. Јасно е дека на првиот натпревар беше главна ѕвезда на полн стадион и сите сакаа да го поздрават и да се фотографираат со него.