Бразилскиот Роналдо беше гостин во живо на Instagram кај Алесандро Дел Пјеро, а една од темите на муабетот беше и наградата Златна топка.
Роналдо оваа престижна награда ја освојуваше во два наврата, во 1997 и 2002. Еднаш заврши втор зад Матијас Замер во 1996 и еднаш трет во 1998 зад Зинедин Зидан и Давор Шукер.
„Алесандро, ти заслужи да ја освоиш Златната топка исто како што ја заслужија Тоти, Малдини, Раул и Роберто Карлос, а никогаш не ја добија. Карлос еднаш беше втор зад мене, но никогаш не ја доби наградата. Секогаш вас ве ценеа, но имам чувство дека и тоа признание требаше да го добиете“, рече Роналдо.
Изненадувачки, Дел Пјеро и Тоти никогаш не беше ниту во топ 3. Малдини двапати беше трет (1994 и 2003), Раул еднаш беше втор зад Мајкл Овен во 2001, како и Роберто Карлос во 2002 зад Роналдо.