Кристијано Роналдо, еден од најдобрите фудбалери на светот, постави незавиден рекорд на неговото враќање на теренот, откако беше суспендиран од пет натпревари во сите шпански натпреварувања.
Роналдо беше казнет со суспензија за пет натпревари бидејќи турна судија на првиот меч од шпанскиот Суперкуп со Барселона, а на терен се врати еден месец подоцна, на синоќешниот натпревар со Бетис каде неговиот Реал Мадрид доживеа пораз.
„Кралскиот клуб“ беше совладан на свој терен со 0:1, а стрелец на единствениот голо беше Санабрија во четвртата минута од судиското надополнување, додека Португалецот повторно се запиша во книгата на рекорди, но не по добро.
Во 90-те минути што ги помина во игра, Роналдо имаше 12 шутови кон противничкиот гол, но не успеа да се запише во листата на стрелци.
Тоа е најголем број на шутови што не завршиле со гол на натпревар од шпанската Примера лига од септември, 2015 година, што исто така го постави Роналдо.
