Угледниот шпански весник Marca објави листа со десетте најбогати фудбалери во светот.
На врвот на листата се наоѓа капитенот на репрезентацијата на Брунеи, Фаик Болкија (22).
Болкија веќе четири години е член на Лестер, но уште не добил шанса за првиот тим и има настапено само неколку пати за вториот тим на пријателски натпревари.
Претходно играше за младинската екипа на Челси, а за репрезентацијата на Брунеи одиграл шест натпревари и постигнал еден гол.
Фаик е син на брунејскиот принц Џефри Болкија и роднина на султанот на Брунеи, како и на еден од најбогатите луѓе во светот, Хасанал Болкијан кој му остави во наследство 20 милијарди долари.
Напаѓачот на Јувентус, Кристијано Роналдо е втор на листата најбогати фудбалери, со богатство што се проценува на 450 милиони долари или 50 милиони повеќе од неговиот најголем ривал на теренот, Лионел Меси.
Швеѓанецот Златан Ибрахимовиќ има 190 милиони долари, Бразилецот Нејмар 185, а на шесто место е Вејн Руни со 160 милиони долари.
