Сезоната во Ла Лига заврши со триумф на Реал кој по пет години ја врати титулата на „Сантијаго Бернабеу“. Ѕвездите на Реал славеа на теренот, но очигледно не биле запознаени со правилата во врска со врачување на трофејот.
Фудбалерите на Зинедин Зидан ја освоија 33. титула на клубот со победата од 2:0 над Малага и нескриено се радуваа на триумфот.
Меѓутоа радоста им беше прекината од неочекуваната информација дека во славјето на теренот ќе им недостига еден многу важен елемент: трофејот.
Според правилата на Примера, трофејот на новиот шампион се доделува на стартот на наредната натпреварувачка сезона, но очигледно голем дел од фудбалерите на Реал не го знаеја овој важен детаљ.
Први кои ја дознаа веста на теренот беа Бејл и Модриќ кои откако делегатот на Реал Мадрид им кажа дека нема да го добијат трофејот вечерта веднаш побрзаа да му кажат на Кристијано Роналдо.
„Каква глупост!“, му рече Роналдо на Бејл пред камерите.
