Со вчерашните два гола против Кротоне веќе нема активен калчолигаш кој не примил гол од Кристијано Роналдо.
Малиот Кротоне беше единствениот тим кој сезонава се натпреварува во Серија А, а кој никогаш не примил гол од Кристијано Роналдо. Тој мит беше урнат синоќа кога Португалецот двапати стрелаше во мрежата на клубот од Калабрија. Роналдо првпат играше синоќа против овој тим бидејќи првиот натпревар сезонава го пропушти поради повреда. Тој летото 2018 дојде во Јуве, а тогаш Кротоне штотуку испадна во Серија Би па сезонава им беше прва средба.
Во 48. минута и во првата од судиското надополнување на првиот дел Португалецот ја најави новата победа на Јуве која по паузата Вестон МекКени ја запечати.
Рачунајќи ги головите постигнати откако се пресели во Италија, Роналдо има постигнато барем еден гол против сите тимови кои оваа сезона се натпреваруваат во Серија А.
Но, на листата му фали еден клуб, кој сезонава не е дел од Серија А. Единствениот тим кој успеал да ја сочува мрежата незатресена против Роналдо е Киево од Верона кој сега е во Серија Би. Против овој тим Роналдо пропушти шанса да постигне гол во првата сезона на Чизмата.
Кротоне е клуб број 78 против кој Роналдо постигна гол рачунајќи ги топ 5 лигите ширум Стариот континент. До оваа бројка Португалецот дојде настапувајќи за Манестер Јунајтед, Реал Мадрид и Јувентус.
Пред него е Златан Ибрахимовиќ кој има постигна гол против 79 различни противници настапувајќи за Јувентус, Интер, Барселона, ПСЖ, Манчестер Јунајтед и Милан.
Двата вчерашни гола го исфрлија Роналдо на врвот од листата на најдобри стрелци во Серија А минивајќи го Ромелу Лукако од Интер. Роналдо сега има 18 голови, еден повеќе од напаѓачот на Интер.
На делба на третото место се Луис Муриел од Аталанта, Чиро Имобиле од Лацио и Ибра од Милан со по 14 голови.
Откако е дојде во Италија португалскиот напаѓач нема освоенот награда за најдобар стрелец. Лани беше втор за Имобиле, а преклани четврти кога наградата Капоканониере заврши кај Фабио Куаљарела од Сампдорија.
