Роналдо ја предводи листата на најплатените спортисти во светот

Специјализираната веб-страница Sportico ја објави листата на 100 најплатени спортисти во светот.

На листата има спортисти од 8 спортови, 27 земји, кои заедно инкасираа 6,2 милијарди долари во 2024 година.

Ниту една спортистка не е во топ 100, а најмногу кај дамите заработила тенисерката Коко Гоф, 30,4 милиони долари.

Листата ја предводи фудбалерот Кристијано Роналдо (260 милиони), а потоа следуваат кошаркарот Стеф Кари (153,8), боксерот Тајсон Фјури (147), фудбалерот Лионел Меси (135) и кошаркарот Леброн Џејмс (133,2).

Во топ 10 се и фудбалерот Нејмар (133), боксерот Олександр Усик (122), фудбалерите Карим Бензема (116) и Килјан Мбапе (110) и голферот Џон Рам (105,8).

Од тенисерите на листата се само Јаник Синер кој е 43-ти со 52,3 милиони и Карлос Алкарас кој е 87-ми со заработени 40,4 милиони долари.