Роналдо ќе биде богат како саудиски шеик ако бидне новиот договор

Шпанска Marca објави дека еден од најдобрите светски фудбалери наводно договорил две и пол годишен договор со клубот Ал Наср од Саудиска Арабија.

Неколку дена по раскинувањето на договорот со Манчестер Јунајтед, капитенот на португалската фудбалска репрезентација Кристијано Роналдо наводно договорил две и пол годишен договор со Ал Наср од Саудиска Арабија, според кој ќе заработува неверојатни 200 милиони евра годишно.

Еден од најдобрите светски фудбалери на сите времиња, 37-годишниот Португалец моментално е на Светското првенство во Катар, каде неговата репрезентација успеа да се пласира во нокаут фазата.

Доколку се точни информациите на шпанска Marca, која вообичаено има сигурни извори, тоа би значело дека Роналдо ќе игра до својата 40-та година.

И тој не би бил првиот добитник на Златната топка - наградата за најдобар фудбалер во светот - кој би играл во Саудиска Арабија, токму во Ал Наср.

Бугаринот Христо Стоичков, освојувач на Златната топка во 1994 година, одигра два натпревара за Ал Наср во 1998 година и постигна гол во триумфот на Купот на победници на куповите во Азија.

Непосредно пред почетокот на Светското првенство во Катар, Роналдо се согласи да го раскине договорот со Манчестер Јунајтед по интервјуто во кое изрази голема огорченост за ситуацијата во клубот на сите нивоа, а особено за врска со тренерот Ерик тен Хаг.

Зошто Саудиска Арабија?

Информацијата дека кариерата ќе ја продолжи во Саудиска Арабија не е изненадување.

Уште ова лето, додека се зборуваше за евентуално заминување на Роналдо од „Олд Трафорд“, се појавија информации дека тој добил астрономска понуда од клуб од блискоисточна земја.

Роналдо е во пад на кариерата, освои речиси сè што можеше да освои во фудбалот.

Започна во Спортинг Лисабон и играше за најголемите европски клубови, како Манчестер Јунајтед (двапати), Реал Мадрид и торински Јувентус.

Во кариерата освои повеќе од 30 трофеи, меѓу кои титулата европски првак со Португалија, пет титули на клупскиот европски првак, исто толку пати ја освои и Златната топка.

Роналдо е и првиот во историјата на фудбалот кој постигнал гол на пет светски првенства.

Во однос на конкуренцијата, Роналдо веќе нема толкава мотивација, иако секогаш е гладен за голови и победи, а таквата понуда што ја доби од Саудиска Арабија е тешко да се одбие.

Саудиска Арабија е една од најбогатите земји во светот благодарение на нафтата.

Со земјата владее контроверзниот принц Мухамед бин Салман, кој на сите репрезентативци на земјата им вети автомобил Rolls-Royce Phantom по сензационалната победа над Аргентина во првиот натпревар на Светското првенство во Катар.

Милован Рајевац, поранешен фудбалер и долгогодишен, искусен тренер кој работи во таа земја, пред неколку дена за BBC на српски изјави дека клупската лига во Саудиска Арабија е најдобра во арапскиот свет, со многу публика и ентузијазам.

„И лигата, и играчите се квалитетни“, посочува Рајевац.

Во еден од клубовите настапува и српскиот фудбалер Лука Стојановиќ, кој за BBC на српски изјави дека условите во Саудиска Арабија се „вонредни“, почнувајќи од стадионот и инфраструктурата, па сè до тренинг центрите.

„Во саудискиот фудбал се вложуваат многу пари, што е една од причините зошто во земјата расте квалитетот на оваа игра, како и домашните и странските играчи кои се таму“, вели Стојановиќ.

Саудијците не бегаат од трошење пари при доведување странски играчи, па Матеус Переира од англискиот прволигаш Вест Бромвич Албион се пресели во тимот на Ал Хилал за повеќе од 18 милиони евра.

Стојановиќ смета дека „во финансиска смисла“ на саудиската лига можат да ѝ парираат само неколку европски, а покрај тоа, квалитетот на самиот фудбал и на играчите е „исклучително висок“.

„Многу се трудат да го следат модерниот тренд, па многу млади одат на тренинзи во Шпанија, Англија и други земји“, објаснува српскиот фудбалер.

реклама

Три најдобри протеини за здравo срце

Read more

Неделен хороскоп од 15 до 21 јули според руски астролог

Read more

Кој е идеалниот крвен притисок кон кој треба да се стремиме?

Read more

Се огласи Меланија Трамп: Монструм!

Read more

Фудбал

Шпанија го освои ЕУРО, Јамал урна рекорд на Пеле

Read more

Ел Гази го победи Мајнц на суд: Милионска отштета бидејќи беше отпуштен поради Палестина

Read more

Што предвидуваат обложувалниците за ЕУРО финалето меѓу Шпанија и Англија?

Read more

Зошто ниту еден белгиски град не сака да биде домаќин за репрезентацијата?

Read more
 

Спорт

Шпанија го освои ЕУРО, Јамал урна рекорд на Пеле

Читај повеќе
  • play_arrow

Алкарас го победи Ѓоковиќ и го освои Вимблдон

Читај повеќе

Ел Гази го победи Мајнц на суд: Милионска отштета бидејќи беше отпуштен поради Палестина

Читај повеќе

Судир на титаните на Вимблдон: Алкарас против Ѓоковиќ во реприза на ланското финале

Читај повеќе

Што предвидуваат обложувалниците за ЕУРО финалето меѓу Шпанија и Англија?

Читај повеќе

Зошто ниту еден белгиски град не сака да биде домаќин за репрезентацијата?

Читај повеќе

Кој ќе биде најдобар стрелец на ЕУРО? УЕФА го смени правилото

Читај повеќе

Ван дер Варт: Англија е ср*ње од екипа

Читај повеќе

Американците најголеми фаворити, ФИБА ги потцени Србија и Канада

Читај повеќе