Кристијано Роналдо, најдобриот играч на светот за минатата година, изјави дека луѓето погрешно гледаат на фудбалот и дека не ја разбираат разликата во играта.
Кристијано Роналдо оваа есен на седум натпревари во Ла Лига постигна само еден погодок, откако ги пропушти воведните четири кола поради суспензија.
Поради ова, Роналдо би можел за прв пат по доаѓањето во Реал да ја заврши сезоната со помалку од 25 погодоци во тоа натпреварување.
Често е на мета на критики во медиумите дека игра во слаба форма, но Роналдо смета дека неговиот придонес во играта не треба да се мери само со бројот на постигнати погодоци.
„Многумина не можат да ја видат разликата меѓу врвна форма, солидна и онаа без погодок. На мене гледаат како на гол-машина, човек кој секогаш мора да постигнува голови. Ако тоа не биде така, никој не го интересира дали играм добро или не, само гледаат колку пати сум ја погодил противничката мрежа“, вели Роналдо.
Португалецот нагласи дека ѓи прифаќа критиките, но и дека не се согласува со нив.
„Избегнувам да читам весници или да слушам што се зборува за мене, но објективно немам избор и морам да ја прифатам состојбата. Не можам да го контролирам светот“, додаде Роналдо.
Недостатокот на голови медиумите го поврзуваа и со наводната желба на Роналдо да си замине од Реал Мадрид, но тој ги демантираше тие шпекулации.
Реал после 11 кола во Примера заостанува осум поени зад лидерот Барселона, а во Лигата на шампионите е втор, зад Тотенхем, но не на чекор од пласман во нокаут фазата.
