Навивачите на иранската репрезентација синоќа правеа врева пред хотелот каде се сместени фудбалерите на Португалија, во очи натпреварот од групата Б на Светското првенство во Русија.
Иранските навивачи се потрудија фудбалерите на Португалија да бидат што е можно поуморни за мечот против нивната репрезентација на Мундијалот.
Тие пееја, свиреа си труби и правеа општа врева пред хотелот во Саранск каде се сместени Кристијано Роналдо и неговите соиграчи.
„Серенадата“ очигледно не му годеше на Роналдо кој во еден миг се појави на прозорецот од неговата хотелска соба и ги повика навивачите да се стивнат и да ги остават да спијат.
Иран и Португалија играат вечерва од 20 часот во Саранск, што ќе биде натпревар од третото коло на групата Б на Мундијалот во Русија.
Иран може да проложи понатаму само ако ги победи европските шампиони, а на Португалија за влез во осмина финалето ѝ е доволен и само еден бод.
Сеапак, Роналдо и неговите соиграчи ќе сакаат победа на вечерашниот натпревар за да го освојат првото место во групата пред Шпанија.
Во исто време, Шпанија игра против Мароко, кој нема освоено ниту еден бод.
