Кристијано Роналдо стана најдобар португалски стрелец во историјата на Серија А, со што собори уште еден рекорд.
Тој синоќа во натпревар од 27. коло на италијанското првенство постигна еден од двата гола за својот тим на гостувањето кај Болоња. Тоа за поранешниот играч на Реал Мадрид беше погодок број 43 во Серија А со што го надмина Руи Кошта и стана Португалец со најмногу голови на Чизмата.
Петкратниот добитник на Златната топка го надмина сонародникот Руи Кошта кој мина 8 години во Серија А играјќи за Фиорентина и Милан во периодот меѓу 1994 и 2006 година и кој постигна 42 гола.
Роналдо се пресели во Јувентус во 2018 година. Оваа сезона 35-годишниот Португалец има 26 голови и 4 асистенции на 35 натпревари в сите натпреварувања.
Инаку, Роналдо е рекорден португалски стрелец и во Премиер лигата и во Ла Лига. Во англискиот шампионат постигна 84 голови во 196 натпревари за Манчестер Јунајтед, а во шпанското првенство 311 голови во 292 натпревара за Реал Мадрид. Кога станува збор за Ла Лига, само Лео Меси има повеќе голови од него, пишува Goal.
