Откако неодамна стигна до бројката од 901 гол во кариерата во дресот на Португалија, Кристијано Роналдо пишува рекорди и во онлајн сферата, откако прв ја проби границата од една милијарда следбеници на социјалните мрежи.
Имено, тој го постигна ова достигнување само неколку недели откако отвори канал на YouTube, каде сега има над 60 милиони следбеници, што само се надополнува на бројките на другите платформи.
Сето тоа Роналдо успеа да го направи во периодот од 21 август до 12 септември, а преку мрежите испрати моќна порака до своите фанови по повод јубилејот.
„Испишавме историја - 1 милијарда следбеници! Ова не е само бројка - тоа е доказ за нашата заедничка страст, посветеност и љубов кон играта и многу повеќе. Од улиците на Мадејра до најголемите сцени во светот, секогаш сум играл за моето семејство и за вас, и сега 1 милијарда од нас стојат заедно. Бевте со мене на секој чекор, низ сите подеми и падови. Ова патување е наше патување и заедно покажавме дека нема граница за тоа што можеме да го постигнеме. Ви благодарам што верувавте во мене, на вашата поддршка и што сте дел од мојот живот Најдоброто допрва доаѓа, а ние ќе продолжиме да ги поместуваме границите, да победуваме и заедно да пишуваме историја“, напиша Роналдо.
Инаку, Роналдо има 639 милиони следбеници на Instagram, 170 милиони на Facebook, додека на Х има 113 милиони, а бројката до една милијарда ја пополнуваат следбениците на кинеските платформи.
