Ѕвездата на Реал Мадрид Кристијано Роналдо ја прекина низата лоши настапи синоќа, но одличната игра не беше причината зошто повторно е во центар на медиумското внимание.
По здобиената повреда на мечот со Депортиво Ла Коруња, лекарите притрчаа да му пружат медицинска помош, а Роналдо побрза да побара мобилен телефон од еден од докторите и со предната камера за селфи провери колку е повреден додека се движеше по теренот.
Коментаторите на мечот не можеа да се воздржат од смеа и коментари како „е сега видов сѐ!“, додека Роналдо разочарано мавташе со главата гледајќи се во телефонот.
„Роналдо ја крена на ново ниво неговата опседнатост со својот изглед“, гласеше насловот на „Ројтерс спорт“ по мечот.
„По-Роналдо момент од ова, здравје“, напиша спортскиот сајт Бенчвормерс.
Покрај тоа што беше мета на шеги од коментаторите и корисниците на социјалните мрежи, Роналдо сепак прими толку силен удар по главата што не можеше да продолжи со игра.
