Кристијано Роналдо добро се прилагодува на новиот живот во Италија. Португалската мегаѕвезда остави оптимален впечаток кај сите што ги сретна досега, вклучувајќи ги секако, новите соиграчи во Јувентус и навивачите на клубот.
Поранешниот идол на Реал Мадрид се смести во вила во ридовите над Торино. Вилата е во минималистички стил, модерна градба со големи прозорци и осум спални соби. Имотот е заграден, совршено за ѕвезда од калибарот на Кристијано Роналдо кој ја цени својата приватност.
Уште пред да се всели, Роналдо побарал да се стави нив слој асфалт на приодот до вилата за непречено движење на неговиот завиден возен парк.
Имотот се состои од две куќи. Роналдо ќе живее во горната куќа со девојка му Георгина Родригез и децата. Родригез пред неколку дена објави фотографија на социјалните мрежи на која ја покажа глетката од балконот на нивниот нов дом.
Секако, во вилата има и сала за вежбање со теретана, како и отворен и покриен базен.
Персоналот на Роналдо ќе живее во долната куќа. Фудбалерот со себе во Торино ги понесе личниот готвач, нутриционитот и физиотерапевтот. Јувентус немаше проблем со тоа да донесе свои медицински специјалисти.
На теренот исто така владее хармонија. Јувентус важи за професионален и посветен тим, но играчите сепак не престануваат да ја фалат трудољубовоста и работната етика на новиот соиграч Роналдо.
Тој наводно прв доаѓа и последен си заминува од тренинг. Роналдо наводно најмногу се зближил со аргентинскиот напаѓач Пауло Дибала, кого го сметаат за наследник на ривалот на Роналдо, Лео Меси.
Јувентус очајно сакаат да ја освојат Лигата на шампиони по 22-годишниот јаз, а новиот престижен член на семејството им дава голема шанса за тоа.