Најдобриот фудбалер на светот Кристијано Роналдо за време на судењето за затајување на данок, призна дека би сакал да се врати во Англија.
Напаѓачот на Реал Мадрид е обвинет дека затаил речиси 15 милиони евра данок, поради што постоеше шанса во изминатиов летен преоден рок да го напушти „Кралскиот клуб“.
Португалецот беше мета на ПСЖ и на поранешниот клуб Манчестер Јунајтед, но на крај се одлучи да остане во Шпанија.
Меѓутоа, очигледно истрагата под која се наоѓа и суспензијата од пет натпревари неиграње влијале на тоа Роналдо да се пишмани.
„Никогаш не сум имал вакви проблеми во Англија. Сакам да се вратам таму“, изјави Роналдо за време на судењето.
Против Кристијано, врз основа на истрагата од страна на инспекторите за данок, започната е постапка дека од 2011 до 2014 година на Девствените острови сокрил свои приходи од продажба на права на свои фотографии.