Португалецот Кристијано Роналдо, не можеше да не се пошегува со репортерот кој известуваше од помошниот терен, додека се одржуваше тренинг на екипата на Јувентус.
Репортерот на Јуветнус ТВ (JTV), зборуваше за подготовките на тимот за следните натпревари, а кога Роналдо го здогледа, му се доближи зад грб и почна да прави гримаси.
И покрај помалку неочекуваниот старт во новиот клуб и недостаток на голови, Роналдо сепак е одлично расположен и добро се забавува во Торино.
Од друга страна, Кристијано Роналдо, актуелниот освојувач на Златната топка, се погрижи да се зборува за него и на репрезентативната пауза и на фудбалски план.
Имено, португалскиот фудбалер на тренингот на Јувентус, покрај тоа што покажа дека знае да се шегува, ни ги покажа и неговите вештини со топка.
Кристијано успеа да изведе удар со неверојатно движење на топката.
После ударот на Роналдо, топката се упати кон лево, а потоа повторно го промени правецот и отиде на другата страна.
Во прилог погледнете ја оваа мајсторија на Португалецот:
