Фудбал
НА ПРАГОТ НА 35-ТАТА ГОДИНА

Роналдо со фотка од теретана - никогаш не бил во подобра форма

9. јануари 2020 - 12:16 | А.С.

Кристијано Роналдо на почетокот на февруари ќе наполни 35 години, но тоа воопшто не се забележува во неговата игра.

Напротив, асот на Јувентус на мечот против Сампдорија со „небесниот скок“ покажа дека најверојатно никогаш не бил во подобра форма.

По вчерашната објава на Instagram тоа и го потврди.

Португалецот објави фотографија од теретана на која ги покажа импресивните мускули и ги одушеви своите фанови ширум светот.

 
 
 
 
 
 
 
 
 
 
 
 
 

Morning Workout

A post shared by Cristiano Ronaldo (@cristiano) on

Нема сомнеж дека ако продолжи со вакво темпо и дисциплина би можел да игра на врвно ниво уште неколку години. Имајќи предвид дека Роналдо секогаш сакал да ги поместува границите, не би требало да нѐ изненади ако продолжи да ги тресе противничките мрежи и во петтата деценија.

Оваа сезона Роналдо постигна 15 гола на 22 натпревари и запиша и три асистенции.

Коментирај