Фудбалската суперѕвезда Кристијано Роналдо го поддржа Хабиб Нурмагомедов пред одбраната на титулата во лесна категорија против Џастин Гејџи на УФЦ 254.
Асот на Јувентус, кој моментално се опоравува во Италија откако претходно оваа недела му беше дијагностициранCOVID-19, одржува пријателство со рускиот шампион во УФЦ уште од деновите на Реал Мадрид, па не е изненадување што го поддржува Хабиб да ја продолжи својата серија без пораз кога следниот викенд ќе влезе во октагонот со Гејџи на UFC Fight Island.
„Секако, секако, Хабиб ќе победи. Мојот брат... ако даде Алах“, им порача Роналдо на фановите на сесијата одговори на коментари на Instagram во живо.
Хабиб, кој е познат љубител на фудбалот и ревносен навивач на Реал Мадрид, доби подарок дрес од Роналдо во 2018 година, а оттогаш наводно пријателството „им цвета“.
Затоа, не е изненадување што Роналдо ги поддржува шансите на Хабиб во долгоочекуваниот главен настан на УФЦ против моќниот Американец Гејџи.
Покрај тоа што Хабиб е љубител на фудбалот, Роналдо е познат и по тоа што е во тек со сите ММА вештини.
Покрај пријателството со Хабиб, Роналдо мина и време во друштво на неговиот ривал Конор Мекгрегор и славно го посети Ирецот во теретана пред неговиот реванш со Нејт Дијаз во 2017 година.
Сепак, со оглед на тоа што се чини дека лојалноста на Роналдо сега целосно е посветена кон Хабиб, тешко дека португалскиот ас ќе побара друга средба со Мекгрегор со оглед на тоа дека ривалството меѓу Ирецот и Дагестанецоот е сериозно „вжештено“.