Навивачите на Јувентус немаат што да му замерат на Роналдо, па дури ни откако Ајакс ги елиминираше во четвртфиналето од Лигата на шампиони.
Во првата сезона во новиот клуб, ветеранот постигна 26 голови,а асистираше на уште 12. Во првенството, постигна 19 голови и 10 асистенции.
Лигата на шампиони и оваа сезона е неговото омилено ловиште. Најдобриот стрелец во историјата на натпреварувањето се загреваше во групите, но во елиминациската фаза не само што експлодираше, туку да не беше Роналдо, Јувентус веројатно ќе беше нокаутиран веќе во првата нокаут фаза.
Во првиот осминафинален натпревар, Јувентус изгуби кај Атлетико со 0:2, а на реваншот Роналдо ја надомести разликата со ти гола и го испрати Јувентус во четвртфиналето со победа од 3:0.
Четвртфиналето на Јувентус му го донесе Aјакс и уште едно тешко гостување. Роналдо во Амстердам ги спаси гостите со 1:1 против значително подобриот Ајакс. На реваншот даде гол за водство од 1:0, но младиот и полетен Ајакс сврте на 2:1.
Поразот и елиминацијата многу лошо го погодија најдобриот играч на Јувентус, кој како што сведочат бројните фотографии, беше очаен кога сфати дека останува без можност со трет клуб да ја освои шестата Лига на шампиони.
Се разбира, Роналдо е играч кој се сака или се мрази, но и играч кој никого не го остава рамнодушен со неуспесите и тажните фаци, па секогаш ги инспирира другите, па така беше и овој пат: