Шпекулциите за трансферот на Нејмар ова лето не престануваат и главно се вратат околу неговиот поранешен клуб, шампионот во Ла Лига, Барселона. Сега и големиот Роналдо даде свое мислење на темата.
Кристијано Роналдо смета дека 27-годишниот Бразилец ќе остане во Пари Сен Жермен каде дојде пред две години со рекорден трансфер од 222 милиони евра.
Барселона наводно понудила 100 милиони евра, плус двајца играчи од првиот тим во замена за проблематичниот Нејмар.
Поранешниот клуб на Роналдо, Реал Мадрид, исто така се спомнуваше како можна дестинација за Бразилецот чија година ја одбележаа скандали и повреди, а не врвна игра каква што се очекува од скапо платен играч.
Сепак, Португалецот смета дека Нејмар најверојатно ќе остане во ПСЖ.
„Не знам. Тој е супре играч и одлично се согласувам со него. Многу се зборува за него, за Мадрид, Барса, Јуве“, изјави Роналдо за Marca.
„Тоа им е работа на медиумите, мора да продавате, ама јас мислам дека ќе остане во Париз, а ако не, да побара каде ќе биде среќен и каде може да го изрази својот фудбал. Се надевам дека ќе одбегнува повреди, бидејќи имаше многу и тоа сигурно го загрижува“, додаде напаѓачот на Јувентус.
„Згрижен сум за него бидејќи сакам да го гледам момчето како игра. Без разлика каде ќе игра, важно е да се грижи за себе и да не се повредува. Тоа му го посакувам.“
